Shivananda Lahari - Sloka: 63

குறைகளை நீக்கும் பக்தி | Bhakti that removes deficiencies 

मार्गावर्तितपादुका पशुपतेरङ्गस्य कूर्चायते

गण्डूषांबुनिषेचनं पुररिपोर्दिव्याभिषेकायते ।

किंचिद्भक्षितमांसशेषकबलं नव्योपहारायते

भक्तिः किं न करोत्यहो वनचरो भक्तावतंसायते ॥ ६३॥

Shivananda Lahari - Sloka: 62

பக்தி எனும் அன்னை | The Mother called Bhakti

आनन्दाश्रुभिरातनोति पुलकं नैर्मल्यतच्छादनं

वाचा शङ्खमुखे स्थितैश्च जठरापूर्तिं चरित्रामृतैः ।

रुद्राक्षैर्भसितेन देव वपुषो रक्षां भवद्भावना-

पर्यङ्के विनिवेश्य भक्तिजननी भक्तार्भकं रक्षति ॥ ६२॥

Shivananda Lahari - Sloka: 61

பக்தியின் பயன் | Effect of Bhakti

अङ्कोलं निजबीजसन्ततिरयस्कान्तोपलं सूचिका

साध्वी नैजविभुं लता क्षितिरुहं सिन्धुः सरिद्वल्लभम् ।

प्राप्नोतीह यथा तथा पशुपतेः पादारविन्दद्वयं

चेतोवृत्तिरुपेत्य तिष्ठति सदा सा भक्तिरित्युच्यते ॥ ६१॥